|
UŞAQ ŞEİRLƏRİ
ŞABALID
Üşümüşdü şabalıd
Geyinmişdi
çuxasın.
Tural qoydu peç
üstə,
O, tez açdı
yaxasın.
***
YATMIŞ DƏNİZ ŞƏKLİ
- Ana, dəniz
çəkmişəm
Sular axsa da
dolmaz.
- Yox qızım,
yanılmısan
Dəniz dalğasız
olmaz .
Dəniz coşar, ha
daşar
Şahə qalxar
dalğası.
Hər xırda
gölməçədən
Dəniz olmaz
qadası .
- Yatan zaman
çəkmişəm
Mən dənizi, ay
ana,
Oyansa bu
dənizim
Dönəcəkdir
tufana.
***
ANA ÜRƏKLİDİ...
Sınsa kuklası
Ağlayarlar hey
Körpə vaxtından
Özləri bəbə ,
Saxlayrlar hey
Ana ürəklidi
Qız uşaqları.
Yemək verərlər
Layla deyərlər .
Böyük qardaşa
Çay dəmləyərlər.
Ana ürəklidi
Qız uşaqları.
Ev süpürərlər
Paltar tikərlər,
Evin içində
Evcik tikərlər .
Ana ürəklidi
Qız uşaqları.
***
QUZU
Qumral qoyunum
tez - tez
Quzusnu yaladı.
Neyləsin ki,
quzusu
Yenə ala -
buladı.
***
ƏLİFBAM
Həriflərin yuvası
Əlifbam, ay
əlifbam.
Şirin ana
laylası
Əlifbam, ay əlifbam .
Anamın səsi
səndə ,
Körpə nəfəsim
səndə .
Arzum, həvəsim
səndə ,
Əlifbam, ay
əlifbam.
Sən mənim ilk
kitabım,
Vətənim, yurdum,
adım.
Vərəqlərin
qanadım,
Əlifbam, ay
əlifbam
Təzə kövrək
çiçəyəm
Səndən su
içəcəyəm.
Sənə and
içəcəyəm,
Əlibam, ay
əlifbam.
***
QUŞLAR
YIXILAR
Ağac olmasa
görən
Quşlar hara
yığılar?
Əmi, kəsmə ağacı
Axı quşlar
yıxılar.
***
XƏZƏR NƏHƏNG ÇİÇƏKDİ
Xəzər nəhəng
çiçəkdi,
Dalğalanır hər
yana.
Bakı xallı
kəpənək
Qonub onun
alnına.
***
GÖZÜMÜ
YUMA BİLMƏRƏM
-Otağı süpür,
qızım
-Süpürmüşəm,
anacan!
-Mənə su gətir,
qızım
-Gətirmişəm,
anacan!
-Paltarları
yumusan ?
-Indi yudum,
anacan!
-Çörəyini
yemisən ?
-Yedim, yedim
anacan!
-Di gözünü yum
görüm ,
Sənə bir şey
göstərim .
-Gözümü yumsam,
ana
Sənsiz qalaram
axı .
Istəmirəm bircə
an ,
Mən sənsiz
yaşamağı.
***
BARMAQLAR
Barmaqlarım
ovcuma
Baş qoydular
yatdılar.
Səhər ozumdən
qabaq
Yerlərindən
qalxdılar.
***
QUŞLAR DA....
Yazılıb ağaca
Turalın adı.
Quşlar da orda
Yuva qurmadı.
***
ATLI
QARIŞQANIN
NAĞILI
Altı atlı
qarışqa
Bu yolları
qarışdar.
Qara daşın
altına ,
Altısı da
yığışar.
Altı atlı
qarışqa,
Altlarında
atları.
Çapa-çapa
gəzərlər,
Çəmən-çəmən
otları.
Atlanarlar
düşərlər,
Daş altları,
yurdları.
Gecə ayaqlarına
Bağlayarlar
atları.
***
“DAVA- DAVA” OYUNU
Dava dava
oynayırdı
Turalla Azad.
Azad “faşistdi “
Tural partizan
Ikisi də xoşbəxt,
azad.
Qaçırdılar hey
aşağı
yuxarı
Birdən “faşist”
Azad,
Vurdu bizim
Turalı.
Tural əyildi
Mehdi kimi
Kinoda gördüyü
kimi.
Azad qışqırdı:
yıxıl, tez ol!
Birdən Tural
Əl atdı cibinə,
Çıxartdı “
Qumbaranı”-
Bir qırmızı
almanı.
Tulladı, al.
Alma dəydi Azada,
Ayağı qalxdı
göyə
Başı bulandı
toza,
Eşələndi toz
elədi
Kinoda da belədi.
Qutardı dava
Başlandı əsl
dava-
Oturub Azad
Bir qırmızı
almanı
Şirin - şrin
yeyirdi,
Yazıq Tural elə
hey
“Ver alma”mı
deyirdi.
***
DƏVƏ
Tural həmişə,
Minir dəvəyə.
Çapır dəvəni,
Üzü küləyə.
Heç kəs inanmır,
Bu möcüzəyə.
Sən demə Tural
Dərsdən gələndə,
Açır gəbəni .
Sonra da minir,
Şəkil dəvəni.
***
QAŞQA
AT
Getdi qış, əridi
qar,
Yamacların
yalında .
Bir ovuc qar
qalıbdı,
Atımızın
alınında.
***
SU
Tural bir təpik,
Vurdu vedrəyə.
Su da inciyib,
Qaçdı dərəyə.
***
SEVİNCİN “KÖKƏ” PAYI
Arı vurub
Sevincin
Sağ gözünün
altına.
Üz - gözünü
gizlədir ,
O, utana - utana.
Çağırırlar
Sevinci
Uşaqlar düzdə,
yolda.
Kökə yeyən
Sevincin,
Kökəlibdi sağ
gözü,
Olubdu kökə
boyda.
***
LALƏ
Qəşəng bir qızam
Adım Lalədir.
Saçım çiçəkdir,
Bantım Lalədir.
***
SEVİNCİN
ƏLİFBASI
Sevinc bir yazıb
Düz özü boyda.
O hərifini də
Öz gözü boyda.
Birdən P - nın,
Qulağın dartır.
Birdən A - nın
Yanında yatır.
Həriflər onu
Çox incidirlər.
Bir də görürsən
Yallı gedirlər .
Sevinc belədi
Nə deyək ona.
Düz üç gündü ki,
Hey yazır “Ana.”
***
QIRIQ
AT
Balaca Tural
Minmişdi ata
Düş dedi ana
Düç dedi ata.
Gəzdi həyəti
O çapa-çapa.
Yıxildı atı
At onu yıxdı
O atı yıxdı
Mən bilmədim.
Bir onu gördüm
Atı qırıxdı.
Alıb çiyninə
O qırıq atı,
Yolu piyada
Geri qayıtdı.
***
GÜLLÜ
DON
Sevincin donu
Çiçək-çiçəkdi,
Elə bil donu
Çiçəkləyibdi.
Baxır Sevilə
O gülə-gülə.
Sevilsə deyir
Nənim donum gül
Açmayıb hələ.
***
YUMRUQ
VƏ ŞOKOLAD
Bu gün səhər
Azadı
Tural gəlib
döyübmüş.
O ki var
danlayıbmış
O ki var da
söyübmüş.
Azadım ağlamağı
Aşmayıbdı çəpəri.
Bu davadan heç
kəsin
Olmayıbdı xəbəri.
Deyin niyə, bəs
niyə
Azad sakit
olubmuş.
Demə hiyləgər
Tural
Yumruğunun içinə
Bir şokolad
qoyubmuş.
***
AD
Tural ağaca
Yazdı adını.
Bir il keçməmiş-
Ağac da onun
Pozdu adını.
***
DEYƏSƏN
Yağış yağir
isladır
Gülü, daşı
torpağı.
Qızım yerin
üstünə
Sərir güllü
yaylığı.
Deyir, yer
islanmasın
Tez-tez həyətə
düşür.
Dünyanı qorumağı
Deyəsən başa
düşür.
***
TURAL
VƏ DƏNİZ
-Dəniz, dəniz,
ay dəniz
İndi yaman
acmısan.
Uzadıb əllərini
Sahilini
qucmusan.
Yemək üçün indi
sən
Yamanca
ağlayırsan.
Içindəki balığı,
Nə vaxta
saxlayırsan?
Yoxsa sənə
gülərlər,
Ye balıqdan
doyunca.
Çaylar su
gətirərlər
İndi sənə
ovcunda.
-Bu sözümü, ay
Tural,
Sırğa elə qulağa.
Dəniz acından
ölər,
Amma dəyməz
balığa.
***
ÇOBAN SƏFƏR
Səfərə bax,
səfərə
Gedib çıxıb
çəpərə.
Demə çəpər
çürükmüş
Dəyib üz üstə
yerə.
Sınıbdı
qabırğası
Əyri - üyrü
çəpərin.
Pozulub halı,
kefi
Qara gözlü
Səfərin.
Demə çəpərin
üstə
Boranılar
varıymış.
Demə çəpərin
üstü
Dolu yuvalarymış.
Elə bil ki bu
yerdən
Quşlar küsüb
haçandı.
Boranılar quzudu
Səfər indi
çobandı.
***
İŞIQFOR
İşıqfor
gözlərini,
Elə hey yumdu
açdı.
Qırmızı gözün
görcək,
Turalın rəngi
qaçdı.
Düşündü ki,
yatmayıb
Bu işıqfor
gecələr.
Gözləri lap
qızarıb,
Görən nə vaxt
dincələr?
İşıqfor
gözlərini
Yenə də yumdu,
açdı.
Yaşıl gözünü
görcək,
Tural tez evə
qaçdı.
***
TOP
Tural, topu
Tullanıb tut.
Əlimizdə
Top qızarıb,
Allanıb top.
Görmürsənmi,
Əyri gedir
Yolun azıb,
Aldanıb top.
Tural, tez ol
Tullanıb tut.
***
SABAH
Uşaqlara toxunma,
Yaxşı yeri
yolunu.
Küçədə təpik
atma,
Yanına sal
qolunu.
Keçirsən əyri -
üyrü,
Düz çəkilən
yolları.
Hələ sığal
bilirsən,
Sənə dəyən
qolları.
Öz - özünü
öyürsən,
Bir şey girmir
başına.
Bu gün mənə
dəyərsən,
Sabah yekə
maşına.
***
ƏGƏR
Balaca Tural,
Ağladı bir gün
Tez olun mənə,
Şokalad verin.
Əgər siz mənə
Top almasanız,
Dənizə çaya
Aparmasanız,
Dəvəyə, ata
Mindirməsəniz,
İşdən gələndə,
Şəkil kitablar
Gətirməsəniz,
Bir gün gözümü,
Yumacağam mən,
Qalacaqsınız
Qaranlıqda siz.
***
ÇİÇƏKLİ
XALÇA
Xalça çiçək -
çiçəkdi,
Hər ilməsi
göyçəkdi.
Sevinc bir
çiçəyindən,
Tutdu çəkdi, ha
çəkdi
Nə çiçək qopdu
yerdən,
Nə də çiçək əl
çəkdi.
***
QIZIL
GÜLLƏR
Yaman nadincdi,
Bu qızılgüllər.
Dişlərinə bax,
Mənə gülürlər.
Gəldim yaxına,
Gördüm qəşəngdi.
Dərmək istədim,
Məni dişlədi.
İşıq tək yanır,
Bu qızılgüllər.
Görəsən belə,
Nə gözləyirlər?
Ay qızılgüllər,
Qalın beləcə.
Qoy oğlum gəlsin,
Qorxarsız, necə!
***
NƏĞMƏ
-Ay qızım, oxu
bir də
O nəğməni nə
olar?
- Ay ata, olmaz
axı,
Birdən nəğməm
yorular.
***
ÇƏMƏNLİK
Batdı torpağa,
Yağış dimdiyi.
Çəkib çıxartdı,
Bu çəmənliyi.
***
KÖKƏ
Sevinc kuklaya,
Verib kökəni,
Getdi gətirsin,
Toyuğa dəni.
Qayıdıb gördü,
Yox olub kökə.
Saldı kuklanı,
Yaman pis kökə.
***
İTMİŞ
NƏĞMƏ
Sevinc unutdu
birdən,
Nəğmənin
sözlərini .
Nəğməni tapmaq
üçün ,
O yumdu
gözlərini.
Heç düşmədi
yadına
Ha çalışdı,
çalışdı.
Nəğməni
ürəyindən,
Kimsə
oğurlamışdı.
***
PAPAQ
Ata qoydu başına,
Dümağ yekə
papağı.
Getdi balıq
ovuna,
Suya atdı
qırmağı.
Bir balıq da
düşmədi,
Tilovuna həmin
gün.
Birdən güldü
gözləri,
Güldü qara
Sevincin:
- Balıq gəlməz
yaxına,
Balıqlar qanad
açar.
Belə papaqdan,
ata,
Balıqlar qorxub
qaçar.
***
QAZLAR
Sevincə deyiblər
ki,
Yeri qaytar
qazları.
O da gedib
çağırıb,
Evcik quran
qızları.
***
KUKLASI
BÖYÜSÜN
Sevinc kuklasına,
Paltar tikibdi
qəşəng.
Di gəl kuklasına,
Gendi tikdiyi
köynək.
Qalıbdı yana -
yana,
Heç bilməyir
neyləsin.
Bir əlac qalıb
ona,
Kuklası böyüsün.
***
KƏLƏM
Soydu qabığını,
Sevinc kələmin.
Dedi ki, görən,
Harasındadı
Kələm kələmin?
Çağırdı hələ,
Dostu Kərəmi
Kərəm də soydu
Yenə kələmi.
Tapmadılar heç
Axırda Sevinc
Gedib dedi ki
Tez ol gəl, əmi
Tapaq kələmi.
***
QOZ
Qoz ağacına
Tural qoz atdı.
Qoz yoldaşını
Tez göürüb
qayıtdı.
***
KƏKLİKOTU
Kəkliklə mən
Yığdıq dağdan,
Kəklik otu.
Gəzdik dağı
Endik diki
Bir də gördüm
Itiribdi
Kəklik otu
Çox dolandıq
Çox fırlandıq
Mən oturdum
Dedim sən də
Kəklik, otur.
Baxıb gördük
Daşın dibi
Kəklikotu.
***
POMİDORLAR
Pomidorlar
geydilər,
Qırmızı
donlarını.
Adamlar da
gördülər,
Lap uzaqdan
onları.
***
QARPIZLAR
Bapbalaca
qarpızlar
Dağılmışdı
hərəyə.
On uşaqdıq,
bölüşdük
Biri düşdü
hərəyə.
***
ÜZÜM
Yol tərəfə
tutmuşam
Bir saatdı üzümü.
Daşıyırlar
uşaqlar
O tərəfdən üzümü.
Dırmaşıblar
heyvaya
Şaftalıya, üzümə.
Görən bağ yiyəsi
gəlib
Nə deyəcək üzümə.
Baxdım qəlbim
əzildi
Əzik - üzük
üzümə.
Bu bağçanın
günahı
Çəkiləcək üzümə.
***
FINDIQ
Tural qırdı
fındığı
Fındıq boşdu,
lap boşdu.
Bu yoxluqdan
qorxdu o
Hələ rəngi də
qaçdı.
Tulladı
qabıqları
Bucaqdakı ləyənə.
Ürəyində söydü o
Fındığını yeyənə.
***
NƏ
BİLSİNLƏR
Sevinc uzadıb
əlin
Gilanara ” gə “
deyir.
Kipriyini almaya
Vura - vura “ gə
“ deyir.
O dost gəzir
özünə,
Nə görünsə
gözünə.
Yetişməmiş üzümə,
Kal - kal nara “
gə “ deyir.
Boylandı turş
əriyə,
Ərik qaçdı
geriyə.
Qırdım verdim
kiriyə,
Gördüm o “ bəbə
“ deyir
Dostları çoxdur
onun,
Dostudu qarpız,
qovun.
Böyürtən
dişləyib donun,
O, nə qırır, nə
yeyir.
Heyva qorxub
saralıb,
Gavalı lap
qaralıb.
Meyvələr çaş -
baş qalıb,
Nə bilsinlər, nə
deyir.
***
ALMA
AĞACI
Tural bu gün
səhərdən
Olub alma ağacı.
Alma üçün
çiyninə
Dırmaşır kiçik
bacı.
Almanı əllərində
Qaldırıbdı
yuxarı.
Alma ciblərini
də
Qaldırıbdı
yuxarı.
Ağac olmuşam
deyir
Səsi tutub hər
yeri.
Bacısı da deyir
ki
Ağaca dönməyinin
Nədir bizə
xeyiri.
***
BİLMƏDİK...
Özümə dost
tutmuşam
Ağ tutu, qara
tutu,
Yeyirəm asta -
asta
Yığıram qutu -
qutu.
Elə bu an yanıma
Gəlir qonşumuz
Tutu
Əlində qutu
Tutu yığır
qutuya tutu.
Qışqırır anam
birdən
Qoymayın it
tutdu, tutdu
Mən Tutunu
tutdum
Tutu da məni
tutdu,
Bilmədik it kimi
tutdu.
***
QARPIZ
TAĞLARI
Qarpız tağları
Əyildi arxa.
Dedi ki bəlkə
Burdan su axa.
***
TUMLAR
Bir stəkan tum
Əkdim torpağa.
Sonra başladım
Mən darıxmağa.
Keçdi aylarım
Keçdi illərim,
Nə vaxt çıxacaq
Tumlarım mənim.
Eşdim torpağı
Gördüm tumların
Yarısı yoxdu.
Yarısının da
Əli çıxıbdı.
Gördüm yarısı
Ayaq açıblar.
O biriləri də
Yəqin qaçıblar.
***
TAĞI
Böyük qardaşı
Döydü Tağını.
Çünki əzmişdi
Qarpız tağını.
***
GİLƏNAR
Tamam yetişib
Dəyib gilənar.
Düşmək istəyir,
Ağacı azca
Əyib gilənar.
***
XANLAR
Gilənardan o
qədər
Yedi doymadı
Xanlar.
Lap axırda özü
də
Çönüb oldu
gilənar.
Anası öpdü, öpdü
Göyçəkləşən
Xanları.
Sıxıldı dodağına
Gilənar tək
xalları.
Ağacın budaqları
Saralıbdı,
solubdu.
Xanların
yanaqları
Gilənarla
dolubdu.
***
PARTLAYAN NAR
Baxçada bir nar
Qızıl dişini
Göstərdi mənə.
Mən də dişimi
Onun üzünə
Durub ağartdım.
Gəldik diş-dişə,
Bütün dişini
Vurub çıxartım.
Çənəsini də,
Sümüyünü də
Bir yana atdım.
O biri narlar
Qorxub yumdular
Ağızlarını.
Quşlar kəsmədi
Qapılarının
Ağızlarını.
|
